Sunday, June 24, 2007

ಬಿನ್ನಪ

ಬದುಕು,
ಕಳೆದ ಶತ
ಮಾನ
ಹಾನಿಗಳ, ಕುಳಿ-ದೊಗರುಗಳ
ಹರಿದ ದಾಂಬರು ರಸ್ತೆ.

ಓ ತಂದೆ,
ಕ್ಷಮಿಸು ನೀನೆನ್ನ
ನು
ದ್ಧರಿಸಬೇಕೆಂದೆಲ್ಲ ಬೇಡಬಂದಿಲ್ಲ:
ಮೊಳಕಾಲನೂರಿ
ನಿನ್ನೆಡೆಗೆ ತಲೆಬಾಗಿ
ತಪ್ಪೊಪ್ಪಿ ಮರುಹುಟ್ಟು ಪಡೆವ ತುಡಿತಕ್ಕಷ್ಟು
ಕಿವಿಯಾಗಿಬಿಡು, ಸಾಕು;

ಮಸಗಿರುವ ಪೊರೆ ಹರಿದು
ಹೊಸ ಜಗಕೆ ಕಣ್ಭಿಡಲು
ತುಡಿಯುತಿಹ ಫಣಿಗೆ
ಒರೆಗಲ್ಲಾಗಿಬಿಡು, ಸಾಕು.

ನೆನ್ನೆಗಳ ಹೆಡೆಯಡಿಗೆ ಮಿಡುಕುತಿವೆ ನಾಳೆಗಳು,
ತೊಡೆದುಬಿಡು ಪಡಿನೆಳಲ, ನಗಲಿ ನಾಳೆ;
ಕುಳಿ-ದೊಗರುಗಳ ಮುಚ್ಚಿ,
ಮೇಲೆ ದಾಂಬರು ಹೊಚ್ಚಿ
ಸಲಿಸು ಯಾನ ಸಲೀಸು
ಉಳಿದರ್ಧಕೆ.

ಬೆಳಗುವಾತ್ಮಹ್ಯೋತಿ
ಮಸಿ ಮಸಗಿ ಕುಂದದಿರೆ
ನಿತ್ಯ ತೈಲವನೆರೆದು ಪೋಷಿಸು ದೊರೆ.

ಮತ್ತೆ ಹೊಸ ಪೊರೆ-ಮಸುಕು,
ಮುಖವಾಡಗಳ ಮುಸುಕು
ಬೆಳೆಯಗೊಡದಿರು
ಸಾಕು
ಮತ್ತೇನು ಬೇಕು.

- ೨೯/೦೯/೨೦೦೨